தூத்துக்குடி செயிண்ட் மேரிஸ் கல்லூரியில் பள்ளிகளுக்கு இடையேயான வினாடி வினா போட்டி – “BRAINIACS 2025” நடைபெற்றது
தூத்துக்குடியில் உள்ள செயிண்ட் மேரிஸ் கல்லூரி (தன்னாட்சி) கணித முதுகலை மற்றும் ஆராய்ச்சித் துறை, அக்டோபர் 8, 2025 அன்று பள்ளிகளுக்கு இடையேயான வினாடி வினா போட்டியை நடத்தியது.
இந்த நிகழ்வு காலை 9.00 மணிக்கு தொடங்கியது. தூத்துக்குடி மாவட்டம் முழுவதும் 14 பள்ளிகளில் இருந்து உற்சாகமான பங்கேற்பைக் கண்டது.
கல்லூரியின் செயலாளர், கணிதத் துறை தலைவர் மற்றும் இணைப் பேராசிரியரான அருட் சகோதரி. முனைவர்.அருட்சகோதரி . குழந்தை தெரெஸின் வழிகாட்டுதலின் கீழ் இந்த நிகழ்ச்சி நடத்தப்பட்டது.
கல்லூரி முதல்வர் அருட்சகோதரி.முனைவர். ஜெஸி பெர்னாண்டோ வாழ்த்துரை வழங்கினார். துணை முதல்வர் முனைவர். அருட்சகோதரி எழிலரசி, சுயநிதி பிரிவுத் துறை இயக்குநர் முனைவர்.அருட்சகோதரி ஆரோக்கிய ஜெனிசியஸ் அல்போன்ஸ் ஆகியோரின் முன்னிலையில் இந்நிகழ்வை துவக்கி வைத்தார்கள் .
இந்தப் போட்டி உயர்நிலைப் பள்ளி அளவில் கணிதத்தை மையமாகக் கொண்டது. ஒவ்வொரு பள்ளியிலிருந்தும் இரண்டு மாணவர்கள் அடங்கிய ஒரு குழுவும், அவர்களுடன் ஒரு ஆசிரிய உறுப்பினரும் கலந்து கொண்டனர்.
இளம் மனங்கள் தங்கள் கணிதத் திறன்களையும் தர்க்கரீதியான சிந்தனையையும் வெளிப்படுத்த இந்த நிகழ்வு ஒரு சிறந்த தளத்தை வழங்கியது. சுதந்திர போராட்ட தியாகி வீர வாஞ்சிநாதன் பெயரான தனவாஞ்சி கோபாலகிருஷ்ணன் இவ் வினாடி வினாவை சிறப்பாகவும் மாணவர்களுக்கு பயனுள்ள வகையிலும் நடத்தினார்.
சிவந்தி ஆதித்தனார் பள்ளி முதல் இடத்தையும், கார்பரேஷன் பள்ளி இரண்டாம் இடத்தையும், அழகர் பப்ளிக் பள்ளி மூன்றாம் இடத்தையும் வென்றது. கீதா மெட்ரிகுலேஷன் பள்ளி ஆசிரியை மற்றும் கல்லூரியின் பழைய மாணவி செல்வி. துர்கா வெற்றி பெற்ற மாணவ மாணவியர்களுக்கு பரிசுகள் வழங்கி நிறைவு விழாவினை சிறப்பு செய்தார்.
கணிதத்துறை பேராசிரியர்கள் முனைவர். புனிதா தாரணி (அறிவியல் புல முதல்வர் மற்றும் இணை பேராசியர்), முனைவர்.அருள் ஜெஸ்டி, முனைவர். பிரிசில்லா பசிபிகா, முனைவர். ரீனா, முனைவர். ஜெனிட் அஜிதா, முனைவர்.அன்பரசி ரொட்ரிகோ (சுயநிதி பிரிவு கணித்துறை ஒருங்கிணைப்பாளர்), முனைவர். ஆஸ்பின் சித்ரா, முனைவர். சுஜிதா
ஆகியோர் இந்நிகழ்வை இணைந்து நடத்தினர்.
