மாணவர்கள் வாக்குரிமையால் ஜனநாயகத்தின் உணர்வை நிலைநிறுத்தலாம் :
தூத்துக்குடி காமராஜ் மகளிர் கல்லூரியில் கலெக்டர் இளம்பகவத் இ.ஆ.ப. மாணவிகளுக்கு அறிவுறுத்தல்
தூத்துக்குடி காமராஜ் மகளிர் கல்லூரியில் வாக்காளர் விழிப்புணர்வு நிகழ்ச்சியை மாவட்ட கலெக்டர் இளம்பகவத் நேற்று 18.- 03 – 2026 புதன்கிழமை தொடங்கி வைத்து பின்னர் மாணவர்களிடையே உரையாற்றினார் .
அப்போது இந்தியா ஜனநாயகத்தின் உருவகம் என்றும், ஜனநாயக நாடுகளின் தாய் என்றும், சுமார் 100 கோடி மக்கள் வாக்களித்து அரசாங்கத்தை மாற்றத் தகுதி பெற்றுள்ளனர் என்றும் அவர் வலியுறுத்தினார்.
இளைஞர்களையும் , முதல் முறை வாக்காளர்களையும் தங்களது வாக்குரிமையைப் பயன்படுத்தி ஜனநாயகத்தின் உணர்வை நிலைநிறுத்துமாறு அவர் கேட்டுக்கொண்டார்.
ரங்கோலிப் போட்டி மற்றும் விழிப்புணர்வு அட்டை தயாரிக்கும் போட்டிகளையும் பார்வையிட்டு, வெற்றியாளர்களுக்குச் சான்றிதழ்களை வழங்கினார். மேலும், மாவட்ட ஆட்சியர் மாணவர்களுடன் விழிப்புணர்வு உறுதிமொழியை ஏற்றுக்கொண்டார்..
மாவட்ட வருவாய் அதிகாரி எம். குருச்சந்திரன், உதவி ஆட்சியர் (பயிற்சி) புவனேஸ் ராம் உட்பட பிற அதிகாரிகள் உடனிருந்தனர்.
