தூத்துக்குடி வ.உ.சிதம்பரம் கல்லூரி மற்றும் செயின்ட் தாமஸ் மெட்ரிக் மேல்நிலைப் பள்ளி இடையே புரிந்துணர்வு ஒப்பந்தம் கையெழுத்து:

தூத்துக்குடி வ.உ.சிதம்பரம் கல்லூரி மற்றும் செயின்ட் தாமஸ் மெட்ரிக் மேல்நிலைப் பள்ளி இடையே புரிந்துணர்வு ஒப்பந்தம் கையெழுத்து:

தூத்துக்குடி வ. உ. சிதம்பரம் கல்லூரி, புனித தோமையார் மெட்ரிக் மேல்நிலைப்பள்ளியுடன் (St. Thomas Higher Matriculation Secondary School) புரிந்துணர்வு ஒப்பந்தத்தில் (MoU) கையெழுத்திட்டுள்ளது.

இந்த ஒப்பந்தத்தில் வ. உ. சிதம்பரம் கல்லூரி முதல்வர் முனைவர்.வீரபாகு ,செயின்ட் தாமஸ் மெட்ரிக் மேல்நிலைப் பள்ளித் தாளாளர், அருள்திரு.அமலன் தமியான் மற்றும் தலைமையாசிரியர் ஆஸ்கர் ஆகியோர் புரிந்துணர்வு ஒப்பந்தத்தில் கையெழுத்திட்டனர்

இந்த ஒப்பந்தம், கல்விசார் ஒத்துழைப்பை மேலும் வலுப்படுத்துவதற்கும், இரு கல்வி நிறுவனங்களின் பரஸ்பர வளர்ச்சிக்கும் வழிவகுக்கும் ஒரு முக்கியமான முன்னேற்றமாக அமைகிறது.

இந்த ஒப்பந்தத்தின் முக்கிய நோக்கம், உயர்கல்வியின் பரப்பை விரிவுபடுத்துவதோடு, மாணவர்கள் எதிர்காலத்தில் வெற்றிபெற தேவையான அறிவு, திறன் மற்றும் நற்பண்புகளை வளர்த்தெடுப்பதாகும்.

புரிந்துணர்வு ஒப்பந்தத்தின் முக்கிய அம்சங்கள் :

மாணவர்களிடம் ஆராய்ச்சி மனப்பான்மையை வளர்த்தல்.
தன்னம்பிக்கையை மேம்படுத்துதல்.
உயர்கல்வி வாய்ப்புகள் குறித்த விழிப்புணர்வை ஏற்படுத்துதல்.

டிஜிட்டல் அறிவுத்திறன் மற்றும் வேலைவாய்ப்புத் திறன் குறித்த பயிற்சி அளித்தல்.
மொழித்திறன் மேம்பாட்டு நிகழ்ச்சிகளை நடத்துதல்.
தொழில்துறை நிறுவனங்களுக்கு கல்விச் சுற்றுப்பயணங்களை ஏற்பாடு செய்து செய்முறை அனுபவம் வழங்குதல்.
விளையாட்டு மற்றும் பண்பாட்டு நிகழ்வுகள் மூலம் மாணவர்களின் முழுமையான ஆளுமை வளர்ச்சியை ஊக்குவித்தல்.
தலைமைத்துவப் பண்புகள் மற்றும் சமூகப் பொறுப்புணர்வை வளர்த்து, பொறுப்புள்ள குடிமக்களாக உருவாக்குதல்.

இந்நிகழ்வு, கல்வி மேம்பாடு மற்றும் சமூக முன்னேற்றத்தை நோக்கமாகக் கொண்டது.