தனியார் பள்ளிகள் அரசு நிர்ணயித்த கட்டண விவரத்தை விளம்பர பலகையில் வெளியிட வேண்டும் :
மாநில தகவல் ஆணையம் உத்தரவு!
தனியார் பள்ளிகள் அரசு நிர்ணயித்த கட்டண விவரத்தை விளம்பர பலகையில் வெளியிட வேண்டும் என்று மாநில தகவல் ஆணையம் உத்தரவு பிறப்பித்துள்ளது.
அனைத்து தனியார் பள்ளிகளுக்கும் அரசு நிர்ணயித்துள்ள கல்விக் கட்டண விவரங்கள், பள்ளிகளின் விளம்பர பலகைகள் வெளியிடப்படுவதை கட்டாயமாக்கும்படி, தனியார் பள்ளிகள் இயக்குனருக்கு தமிழ்நாடு மாநில தகவல் ஆணையம் உத்தரவு பிறப்பித்துள்ளது.
கட்டணம் தொடர்பாக கேட்கப்பட்ட கேள்விக்கு குறித்த காலத்தில் தகவல் வழங்காததால் மனுதாரருக்கு ஏற்பட்ட மன உளைச்சலுக்கு ரூபாய் 25 ஆயிரம் இழப்பீடு வழங்கும்படியும் கோவை மாவட்ட கல்வி அதிகாரிகளுக்கு உத்தரவிட்டுள்ளது மாநில தகவல் ஆணையம்.
